Эм хэрэглэх арга /заавар/
Эмийг уух, тарих, түрхэх, шавших, цацах гэх мэтийн олон аргаар хэрэглэдэг. Эдгээр аргуудыг ерєнхийд нь эмийг гадуур хэрэглэх, дотуур хэрэглэх арга гэж ангилдаг. Эмийг гадуур хэрэглэхдээ дараах журмыг баримтлан хэрэглэдэг.
Нүдэнд эм дусааж хэрэглэх
Гараа угаана Өвчтөнөө дээш харуулан хэвтүүлнэ Дусаагуурын тагийг нээн дусаахад бэлтгэнэ Эм дусаах нүдний доод зовхинд үүсгэсэн сувагт эмийг жоронд бичигдсэн хэмжээгээр дусаана Хоёр минут орчим нүдийг зөөлөн аниулна Илүүдэл шингэнийг цэвэр алчуураар арчина Нүдний дуслыг хэрэглэхэд бага зэрэг халуу оргих мэтийн мэдрэмж үүсч болох боловч энэ нь цөөн минутын дараа хэвийн болох ёстой
Нүдний тос түрхэх
Гараа угаана Толгойгоо бага зэрэг гэдийлгэнэ. Тюбикний тагийг нь онгойлгоно Нэг гартаа тюбикээ барьж нөгөө гараар өвчтөний доод зовхийг нээж эм тогтохуйц суваг буюу хонхор гаргана Тюбикийг сувагт аль болох ойртуулна Тосыг жоронд бичигдсэн хэмжээгээр шахан түрхэнэ Нүдийг хоёр минут орчим аниулна Илүүдэл тосыг алчуураар арчиж авна Тюбикийг таглан хадгална
Чихний дусал хэрэглэх
Чихэнд дусааж хэрэглэх эм бүхий савыг халуун гараар атгаж бага зэрэг бүлээсгэнэ. Харин температурын хяналтгүйгээр халуун усанд дүрж болохгүй. Өвчтөний толгойг хажуу тийш хазайлгах буюу эсвэл хажуугаар нь хэвтүүлнэ Чихний дэлбээг зөөлөн татаж чихний нүхийг чөлөөтэй болгоно Жоронд бичигдсэн хэмжээгээр чихний нүх рүү эмийг дусаана Хэрэв үйлдвэрлэгчээс зөвлөсөн бол эмээ дусаасны дараа чихний сувгаа хөвөнгөөр бөглөнө Чихний дусал цөөн хэдэн минутаас илүү хугацаагаар халуун оргиулж хорсгох ёсгүй
Хамарт эм дусаах
Эхлээд хамрыг цэвэрлэнэ Өвчтөнийг суулгаж сайтар гэдийлгэнэ Дусаагуурт эмийг соруулна. Хэрэв эм бэлэн дусаагуур бүхий саванд савлагдсан бол тагийг авч бэлтгэнэ Дусаагуурыг хамрын нүхэнд 1 см орчим оруулна Жоронд заасны дагуу эмийг оруулна Дараа нь шууд толгойг өвдөгний хооронд бөхийлгөнө Цөөн секунд болоод өндийж суухад дусал залгиур руу орно Хамрын нөгөө нүхэнд эм дусаах бол дээрх үйлдлийг мөн давтан хийнэ Буцалсан усаар дусаагуураа зайлж цэвэрлэх ба эмийг таглан хадгална
Хамарт эм цацах
Хамарт цацаж хэрэглэх зориулалттай тусгай цацагчид савлагдсан эмийг хамарт цацаж хэрэглэнэ Хамрыг цэвэрлүүлнэ Толгойг бөхийлгөн суулгана Цацлагыг сэгсэрнэ Хамрын нэг нүх рүү цацагчийг оруулна Хамрын нөгөө нүхийг таглаж амыг жимийлгэнэ Эмийн савыг шахаж аажим сорж үнэрлүүлнэ Цацагчийг хамраас аваад толгойг өвдөгний хооронд хүртэл бөхийлгөнө Цөөн секунд болоод өндийж суулгахад эм залгиур руу орно Амаар амьсгалуулна Нөгөө харын нүхэнд эм цацах бол дээрх үйлдлийг давтан хийнэ Эмийн савны цацагчийн хэсгийг буцалсан усаар зайлж цэвэрлэнэ
Арьсан дээрх бэлдмэлийг хэрэглэх
Арьсан дээр наах бэлдмэлийг хэрэглэхдээ дараах зааврыг баримталбал зохино. Үүнд: Наалтыг олон дахин солих буюу наалтын гадуур элдэв боолт хийх шаардлагагүй Эм наах газрыг цэвэрлэн хуурай болгоно Эм бүхий наалтыг савнаас гарган бэлтгэх ба харин эмэнд гар хүрч болохгүй Наалтыг арьсанд дээр болгоомжтой тэнийлгэн нааж чанга дарна Наалтыг авах ба дахин тавихдаа хэрэглэх заалтыг сайтар баримтлах хэрэгтэй
